29 ENERO: MONSTRUO NO MIUDIÑO GRATIS (OURENSE)

 Ata o de agora, MONSTRUO foron como esas árbores que necesitan dun pao para medrar rectas e aínda así acaban torcéndose ata tocar o chan. A ninguén lle gusta que lle recorden os seus fracasos e por iso velos en directo era unha experiencia dura, que doía. Eles esforzábanse en levar o aquelarre eléctrico ata o final e o son era tan bruto que non se distinguía nada aparte do pitido nas orellas. Eran eles ou eramos nós? O público non sabía como comportarse e non era unha cousa agradable para ninguén. Era como ver un burro cagando. Só esperábamos divertirnos. Que saíu mal? Por que ía ser poeta simbolista e agora traballo no Burger King da Valenzá?

MONSTRUO non saben facer outra cousa, pero vano tentar. Logo laméntaste de non terlle entrado a aquel rapaz que casou co imbécil do teu curmán e agora está gordo. A historia do rock and roll está repleta de fracasos (Little Richard, Loquillo, Tame Impala), así que vale a pena celebralos ata que veña o seguinte en darse cabezazos contra as paredes, probablemente editado por PORNO. Iso é o que MONSTRUO van facer no MIUDIÑO este MÉRCORES 29 DE XANEIRO. Todo comezará ás 23 horas, tarde dabondo para ir peneque despois de cear, porque un fracaso sen alcohol é un fracaso portugués. O revival sixties e o revival punk nunca tiveron demasiado sentido, o de MONSTRUO é o revival do eterno retorno ó mesmo patético punto de partida. Ourense, Galicia, España, Europa: catro malas ideas.

Polo tanto, haberá unha estrutura na que se xenerarán grandes expectativas para despois botalas abaixo e deixar unha sensación de decepción intensa. Desto que tes mal corpo e non sabes ben por que. Ós que esperen que as cancións sonen como nos discos, mellor que revisen os oídos, porque sonaban realmente mal. Ós que esperen brillantes improvisacións, que se relaxen: BAIXO NINGÚN CONCEPTO HABERÁ THEREMINS NESTE CONCERTO. Ós que non esperen nada, que cambien de actitude. Se hai algo realmente molesto na evolución das cousas é culpa deles. É que o rock and roll se convertera en entretemento: se era excitante e divertido era porque non era gracioso. A mensaxe de MONSTRUO e a súa música é así: non respetes a lei antitabaco, non vexas series, leva mobiliario urbano para a casa, mexa en papeleiras e envolve a cara con papel albal. Sé xoven ou sé vello, pero deixa de ser un coñazo. Ata o de agora non funcionou. Antes de tentar dicilo todo máis claro, van dicilo máis alto.

http://discosporno.bandcamp.com/album/monstruo-3

18 ENERO: LOS TELEVISORES+GATO BAZOOKA EN EL SWASS (OURENSE)

18 ENERO

A LAS 21:30 HORAS

EN EL BAR SWASS (FRENTE AUDITORIO)

5 EUROS

LOS TELEVISORES

http://televisores.bandcamp.com/

GATO BAZOOKA

http://gatobazzoka.bandcamp.com/

11 ENERO: UZUMAKI + LOBISHOME + TERREMOTO SÍ NO AURIENSE /// FESTA DE ENTRADA NO FUTURO (ENTRADA 4 EUROS)

FESTA DE ENTRADA NO FUTURO (ENTRADA 4 EUROS)

PORNO acaba de decidir que xa vale, que xa basta, que xa está ben. 2014 e aínda non entramos no futuro, e seguimos tolerando discusións sobre a tradición e as gaitas e escoitando ós Beatles. Para ser constructivos hai que ser destructivos, así que organizamos urxentemente unha queima de traxes galegos e tamboriles amenizada por grupos con instrumentos eléctricos, que simbolizan o mellor do que está por chegar: UZUMAKI, TERREMOTO SÍ e LOBISHOME. Todo, absolutamente todo sucederá no Café Cultural Auriense o sábado 11 de xaneiro a partir das 21:30. O pasado xa pasou, o presente está morrendo agora mesmo. O futuro está no futuro, e queremos os lásers e o papel albal que nos prometeron. FUTURISMO, AHORA MISMO. HABERÁ EMPANADA, e os que estiverades nos últimos eventos PORNO sabedes que todo o que aquí se di VAI EN SERIO.

Parece mentira pero UZUMAKI son de Ourense e naceron nos noventa. A súa música frenopática cabalga sobre os ritmos imparables dun trebello electrónico que promete o que nós esquecimos necesitar: velocidade, avance, carencia de reflexión, cristal e metal. Manteñen unha certa conexión coa realidade humana a través de voces que recollen aquelo que a transmisión oral sempre deixou de lado. Unha vez falaron deles pola televisión e confundiron o seu nome. Xuraron vinganza e comezará no Auriense.

http://discosporno.bandcamp.com/album/uzumaki-adelanto
http://www.youtube.com/watch?v=FLJvI8hxceM


TERREMOTO SÍ son como o seu nome: algo inevitable. Non paran, seguen, avanzan, como un exército de mercenarios. Teñen as prescripcións para sobrevivir despois da guerra e, humanistas convencidos, compártenas nas súas letras. “Evitar destellos de luz”, porque no futuro será de noite e haberá ruido negro por todas partes. “Cortauñas y cucharas”, utensilios metálicos que intercambiar por tabaco ou cos que asasinar lentamente a seres que aínda non coñecemos pero que, dende logo, van darnos bastante medo. Xúntate a eles, son rápidos e poderosos.

http://terremotosi.bandcamp.com/
http://www.youtube.com/watch?v=-dfa63RHHIk


As cousas dixitais remataron cos nosos instintos pero non cos de LOBISHOME, que realmente son tres salvaxes que saben demasiado. Es un buen momento para dar un golpe de Estado, e eu pensaríame moito poñerme no lado contrario de quen ouvea como eles. Son tan rotundos que case sorprende que teñan un grupo. Dá medo velos, dá gusto oílos e quítanche as ganas de ter coidado cando manipulas cousas inflamables. É habitual volver sangrando á casa logo dos seus recitais, pero nada que non se poida limpar con sacrificios rituais.

http://mamavynilarecords.bandcamp.com/album/fobias-complejos-historias-y-huesos
http://www.youtube.com/watch?v=bg-E9jubROE


Para entrar no futuro necesitas entrar no Auriense, para entrar no Auriense necesitas pagar unha entrada de 4 euros. Faite un favor, líbrate da túa culpa, rompe cos revivals que che afogan e penetra directo na terceira idade. Están permitidos os bailes e as supersticións. Envía un privado a PORNO e darémosche o contrasinal. E recorda, EMPANADA.

9 ENERO: UPPERCUT + COMMON PLACES (CADIZ)

9 ENERO
SWASS
DISCOS PORNO
5€

COMMONPLACES vienen desde Cadiz a presentar nuevo disco!

http://commonplaces.bandcamp.com/

http://www.youtube.com/watch?v=fYEjgTReUqo


Uppercut son de alguna parte pero no esta muy claro, ni siquiera sabemos porque les montamos conciertos, el guitarra es un basuras!

http://discosporno.bandcamp.com/album/uppercut-s-t

http://www.youtube.com/watch?v=HaqFRjzqH50

3 ENERO: MONSTRUO + PUMA PUMKU + DURARARÁ // GALA PORNO BENÉFICA A FAVOR DA VIDA

A quen lle gusta a morte? Por que exerce sobre nós esa fascinación a escuridade da desaparición definitiva? E, sobre todo, por que a asociamos constantemente co rock and roll? PORNO quere zanxar esas tres cuestións. PORNO está a favor da vida, e en contra dos recentes asasinatos de Asunta e algúns fetos, organiza para este venres 3 no Café Cultural Auriense a súa I GALA BENÉFICA A FAVOR DA VIDA. Contará coa presenza de tres bandas Puma Pumku, Durarará!! e Monstruo, xóvenes bandas galegas que procuran devolver á música popular as súas alegres cores psicodélicas e a procura de ilusión por viaxar ó espazo, en lugar do constante desperdicio que supón o esperma derramado sen procrear no Galician Bizarre. ETA rendeuse e é unha boa oportunidade para construír un futuro mellor ou, polo menos, tomar o seu lugar. A sede de sangue e carne que os humanos levamos no noso interior será saciada con EMPANADA: as autorepresións mellor de unha en unha. Todo a partir das nove da noite. Os 5 euros da entrada destinaranse íntegramente a fomentar a natalidade.

Puma Pumku din nun dos seus hits que o espazo exterior está dentro de todos nós, pero a diferencia é que eles xa o atoparon. Mentras outros seguen buscando satisfacción na vida terrenal, Puma Pumku flotan elegantemente entre sonidos cósmicos que eles mesmos producen. Cando estás na mesma habitación que eles, tes a sorte de poder deixarte levar sobre esas vibracións coma se fosen hamacas. O espazo non é frío, o espazo é libre, o espazo é vida. Quizais a única banda capaz de facernos esquecer a EMPANADA, perderse o seu concerto é un pecado tan grave como a mentira ou o aborto.

http://pumapumku.bandcamp.com/

A música de Durarará!! é unha música sen medo, que non teme ser brutalmente intensa ou suave e preciosa. Unha música que nunca é igual porque se desenvolve no momento pero parece dirixirse segura de si mesma cara onde ti querías que chegara. Como o sexo, pero sen risco de embarazo ou enfermidades de transmisión sexual. Ás veces potente e poderosa e ás veces íntima, probablemente provoquen a fame en quen os escoite, xa que a experiencia é quen de deixarnos exhaustos. Por sorte, hai EMPANADA.

http://durarara.bandcamp.com/

A estas alturas, nas que todos pensabamos que Monstruo eran uns perdidos sen remedio, piden papas e anuncian que acoden a este concerto coa intención de corrixir os seus erros e comezar unha nova etapa na que aprendan das outras dúas bandas. Podemos esperar unha aproximación á psicodelia ou que rillen na EMPANADA, pero calquera das dúas opcións é un motivo para ser puntual. En caso de que fracasen como é habitual tocarán as súas cancións coa vontade de quen quere demostrar que non é un inútil. Tal vez o consigan, pero en todo caso merecen vivir tanto como calquera.

http://discosporno.bandcamp.com/album/monstruo-3

Como en calquera evento PORNO, non se esixe etiqueta, non se esixe sequera a nacionalidade española. Só se esixe sensibilidade e ganas de disfrutar dos regalos que son os amigos, a familia, as alegres cancións e a EMPANADA. Redefinamos o que é poñerse a parir dende un prisma optimista. Una sonrisa en los labios y una canción en el corazón.